चलचित्र उद्योगको लागि चीन विश्वकै दोस्रो ठूलो बजार



चलचित्र उद्योगको लागि चीन विश्वकै दोस्रो ठूलो बजार भएको छ । यस अघि जापान दोस्रो ठूलो बजार रहेको थियो । द मोसन पिक्चर्स एसोसियसन अफ अमेरिकाले गरेको अध्ययनले चीन विश्वमै चलचित्र क्षेत्रका लागि दोस्रो ठूलो बजार भएको खुलासा भएको हो ।चीनले सन् २०१२ मा २ अर्ब ७० करोड अमेरिकी डलर बराबरको कारोबार गरेको मोसन पिक्चर्स एसोसियसनले जनाएको छ । हलिउड चलचित्र निर्माताहरुले चीन आफ्ना लागि राम्रो बजार भएपनि नक्कली सिनेमाको कपीको व्यापारले समस्या परेको जनाएका छन् ।