अन्तत बिकास बोर्डका नव नियुक्त अध्यक्ष ‘पप्पु’ ले आफ्नो कार्यभार सम्हाले


सेलीब्रेटी नेपाल माघ २१ गते-सहमतिमा आन्दोलन समाप्त भय पछि आज बाट चलचित्र बिकास बोर्डका नव नियुक्त अध्यक्ष धमेन्द्र मरबैता ‘पप्पु’ ले आफ्नो कार्यभार सम्हालेका छन् । आज चलचित्र बिकास बोर्ड पुगेर उनले आफ्नो काम सम्हालेका हुन् । उनलाई स्वागत गर्नका लागि केही दिन अघि विरोध गर्दै आन्दोलनमा उत्रिएका चलचित्रकर्मी समेत चलचित्र बिकास बोर्ड परिसर पुगेका थिए । उनलाई स्वागत गर्न निर्माता रोज राणा, निर्देशक आकाश अधिकारी, चलचित्रकर्मी मोहन निरौला, चलचित्र प्राविधिक संघका अध्यक्ष मनोज केसी, चलचित्र द्वन्द्व कलाकार संघका अध्यक्ष योगेन्द्र श्रेष्ठ बोर्ड परिसर पुगेका थिए । केसी, श्रेष्ठ र अधिकारी चलचित्रकर्मीको आन्दोलनमा सक्रिय भएर लागेका थिए । तर चलचित्रकर्मीको आन्दोलनमा निर्माता रोज राणाको उपस्थिती थिएन । चलचित्रकर्मीको आन्दोलनको विरोध गर्दै आएका रोज पप्पुलाई स्वागत गर्न उपस्थित हुनुलाई अर्थपुर्ण तबरबाट हेरिएको छ । सरकारसंग भएको ११ बुदे सम्झौता अनुसार आन्दोलन स्थगित हुनुलाई बाहिरी रुपमा जित भनेपनि आन्दोलनरत फिल्मकर्मीहरुले यसलाई हारकै रुपमा लिएका छन् । जस अनुरुप पप्पुलाई आज स्वागत गर्न प्रमुख संस्था कलाकार संघ तथा अगुवाको रुपमा रहेको निर्देशक समाजका प्रतिनिधि देखिएनन् । उता निर्माता संघबाट पनि उपाध्यक्ष आकाश अधिकारीको जर्वजस्त उपस्थितीले के जनाउछ भने अध्यक्ष राजकुमार राई लगायतका अन्य सदस्य पप्पुको बोर्ड आगमनबाट देखावटी रुपमा मात्र खुशी छन।

 

सूचना बिभाग दर्ता नम्बर ५३७ - २०७३ / ०७४ सेलिब्रिटी नेपाल डट कम का लागी, संचालक/प्रकाशक : कल्पना सापकोटा, सम्पादक : आनन्द अधिकारी, सम्बाददाता : रघुनाथ सापकोटा, सम्पर्क : ९८५१०७१८७३