सिनेमा हल माघ १५ गतेसम्म बन्द गर्ने निर्णय



काठमाडौं, माघ २। सरकारले कोरोना भाइरसको संक्रमण बढ्दै गएको भन्दै माघ १५ गतेसम्म सिनेमा हल बन्द गर्ने निर्णय गरेको छ ।
शुक्रबार बसेको मन्त्रिपरिषद् बैठकको निर्णय आईतबार सार्वजनिक गर्दै सञ्चारमन्त्री ज्ञानेन्द्रबहादुर कार्कीले माघ १५ गतेसम्म सिनेमा हल संचालन गर्न नपाउने निर्णय भएको बताएका हुन् ।
सरकारले डान्स वार, दोहोरी साँझ, नाचघर, क्लब, हेल्थ क्लब, जिमखाना, स्विमिङ पुल, फुटसल लगायत पनि माघ १५ गतेसम्म संचालन नगर्ने निर्णय गरेको छ ।