काठमाडौँ। गायक टीकाबहादुर मगरको नयाँ गीत ‘डेढु बाँदर राजनीति लोदर’ बोलको गीतको भिडियो सार्वजनिक गरिएको छ । देशको समसामयिक राजनीतिक प्रवृत्तिमाथि व्यंग्य गर्ने यो गीतमा प्रकाश स्पर्शको शब्द र मोहनकुमार मगरको संगीत छ । गीतलाई सविन लिम्बूले एरेन्ज गरेका हुन् ।
देशको राजनीतिक परिस्थितिका कारण रोजगारी नपाएर विदेशिन बाध्य युवाहरुको कथालाई गीतको भिडियोमा व्यंग्यात्मक ढंगले उतारिएको छ । भिडियोको निर्देशन संगीतकार मगरले नै गरेका हुन् । ‘गीतकार (प्रकाश स्पर्श) आफैं पनि विदेशमा बस्छन् । त्यहाँबाट उहाँले नेपालको अवस्थालाई नियाल्न खोजेका छन् । यो नेपाली समाजको यथार्थवादी गीत हो ।
गीतको भिडियोमा गोपाल ढकाल ‘छन्दे’, प्रकाश स्पर्श, मोहनकुमार मगर, अञ्जली पौडेल, जुना सत्याल र अमृत सागरले अभिनय गरेका छन् । रमेश रम्तेलले खिचेको भिडियोलाई विनोद बमले सम्पादन तथा कलर संयोजन गरेका हुन् ।
‘डेढु बाँदर राजनीति लोदर’ गीत ‘टीकाबहादुर मगर’ युट्युब च्यानलमार्फत सार्वजनिक गरिएको छ ।
