काठमाडौँ। भाद्र ८ गते बाट सार्वजनिक प्रदर्शनमा आउने तयारीमा रहेको नेपाली चलचित्र ‘जय हो’को गीत ‘राजा रानी’ रिलिज भएको छ । शुक्रवार काठमाडौँमा एक कार्यक्रमको आयोजना गरी सागर आले र सदिक्षा कट्टेलको स्वरमा रहेको गीत सार्वजनिक गरिएको हो । यस गीतमा शब्द तथा सङ्गीत गायक आलेको नै रहेको छ ।
यसको भिडियोमा चलचित्रका प्रमुख कलाकारहरू सलोन बस्नेत र केकी अधिकारी फिचर्ड छन् । चलचित्रका निर्देशक टेक पौरखी राई हुन् । मुख्य सहायक निर्देशक दिप्तप्रकाश अधिकारी हुन् । गीतका कोरियोग्राफर रामजि लामिछाने हुन् ।
यस चलचित्रमा सलोन र केकीको साथमा अर्पण थापा, निशा अधिकारी, माओत्से गुरुङ, प्रेम पाण्डे, दिपा शाक्य श्रेष्ठ, सुबि मगर, सुमिन गुरुङ, सुशान्त श्रेष्ठ लगायतका कलाकारको अभिनय रहेको छ ।
सलोन सलिना फिल्म्सको व्यानरमा बनेको चलचित्रका प्रस्तुतकर्ता शोभित बस्नेत हुन् ।
