तस्वीर : रामजीको फेसबुकबाट
काठमाडौं। लोकदोहोरी गायक तथा मोडल रामजी खाणँको गायन तथा अभिनय रहेको ‘सबै राजा, सबै दादा’ बोलको तीज गीत युट्युबबाट हटाईएको छ । गीत तीजको मर्मविपरित रहेको र एउटा स्थापित कलाकारबाट यस्तो सिर्जना नसुहाउने भन्दै आलोचना भएको थियो । अन्ततः रामजीले यो गीत शुक्रबार युट्युबबाट हटाएका हुन् ।
रामजीले ‘सबै राजा, सबै दादा’ सार्वजनिक गरेलगत्तै सेलिब्रेटी नेपालले ‘रामजी खाणँको तीज गीत : के स्थापित कलाकारले यस्तो गीत गाउन सुहाउँछ ?’ शीर्षकको समाचार सम्प्रेषण गरेको थियो ।
पढ्नुहोस्
गायक तथा मोडल रामजीले हौसिएर बनाईएको गीतले क्षणिक आनन्द महशुस भएपनि दीर्घकालिन आनन्द दिन नसक्ने भन्दै गीत युट्युबबाट हटाएको बताएका छन् ।
गीत हटाएसंगै लोकदोहोरी गायक तथा राष्ट्रिय लोक तथा दोहोरी गीत प्रतिष्ठानका निवर्तमान अध्यक्ष बद्री पंगेनीले रामजीलाई धन्यवाद दिएका छन् । पंगेनीले नेपाली लोक संगीतमा आफूहरुबाट पनि कमीकमजोरी भएको भन्दै सबै सच्चिने बेला आएको बताएका छन् ।
