उदय र मनिलाको ‘एउटा गजल तिम्रो लागि’ (भिडियो)


काठमाडौं । गीतकार सुरेश वाग्लेको नयाँ गजल गीत ‘एउटा गजल तिम्रो लागि’ सार्वजनिक गरिएको छ । विहीवार नेपाली वेबसाइट युट्युव च्यानलमार्फत उक्त गीत सार्वजनिक गरिएको हो ।

गीतमा अग्रज संगीतकार तथा गायक उदय सोताङको संगीत तथा उनै सोताङ दम्पतीको स्वर सुन्न सकिन्छ । प्रेमिल शब्दले भरिएको गीतमा सोताङ दम्पतीको वास्तविक जीवनलाई प्रस्तुत गर्ने प्रयास गरिएको छ ।

गीतको भिडियोमा उनै उदय र मनिलाको अभिनय देख्न सकिन्छ । सान थापाको निर्देशनमा तयार गीतको भिडियोलाई अर्जुन तिवारीले खिचेका हुन् ।