समय सान्दर्भिक तीज गीत ‘दिदिभाइ’ सार्वजनिक (भिडियो)


सेलिब्रेटी नेपाल। कोरोना कहरका बीच तीज नजिकदै गर्दा तीज गीत सार्वजनिक हुने क्रम जारी छ। राधिका हमाल र राजेन्द्र कडेलको आवाजमा रहेको तीज गीत ‘दिदिभाइ’ सार्वजनिक गरिएको छ। निर्मला सुवेदीको शब्द रहेको गीतमा राजेश बर्देवाको संगीत रहेको छ भने ओबि रायमाझी र शोभा त्रिपाठिले अभिनय गरेका छन्।

गीतमा परदेशबाट स्वदेश आएको भाइ क्वारेन्टाइनमा बस्नु परेको र तीजमा आफ्नो दिदिबहिनी अर्थात चेलिबेटी लिन जान नपाएको र उता माइतिको बाटो हेरेर बसेकी चेलिको ब्यथा कथा समावेश छ। यसपाली माइत आउन नपाएनी भाइको क्वारेन्टाइन बसाइ लाई थप उर्जा र हौसल्ला दिने काम चेलिले गर्छिन भने भाइले पनि दिदिको मन लाई दुखी नबनाउन अनुरोध गर्दछन। सार्वजनिक भिडियोमा बिक्रम चौहानले निर्देशन, प्रकाश खड्काको छायांकन र मिलन बिश्वकर्माको सम्पादन रहेको छ ।