प्रताप दासले गाए सापकोटाको नयाँ गीत ‘जात’ (भिडियो)


सेलिब्रेटी नेपाल । कलाकार तथा सञ्चारकर्मी चिरञ्जीवी सापकोटा (जिविचिरन) ले नयाँ गीत ‘जात’को भिडियो सार्वजनिक गरेका छन् । रुकुम-जाजारकोट घटनापछि मुलुकमा जातिय विभेदको विषय उत्कर्षमा पुग्दै गर्दा उनले गीतमार्फत जातीयरुपमा गरिने विभेदको कुरा उजागर गरेका छन्।

गीतमा जिविचिरन, गायक प्रताव दास र प्रविन भट्टको आवाज छ, भने ललित पौडेलको शब्द तथा ओम सुनारको संगीत रहेको छ । गीतको भिडियोमा अभि सुनार, गीता ढुंगाना र रविन्द्र सुवेदिको अभिनय छ । जिविचिरनले नै निर्देशन गरेको भिडियो आहा टिभीको युटुब च्यानलबाट सार्वजनिक गरिएको हो ।

कोरोना भाईरस रोकथाम तथा नियन्त्रणका लागि सरकारले जारी गरेको लकडाउनकै क्रममा उनले यसअघि ‘भाग कोरोना’ तथा भारतसँग सीमा विवादको विषय उठेका बेला ‘इतिहास’ बोलको गीत सार्वजनिक गरेका थिए । सापकोटाले गीतमा समाजमा अझै पनि जातको आधारमा भेदभाव गर्न हुँदैन भन्ने चेतना अभिवृद्धि नभइसकेका कारण आम मानिसमा विभेद गर्न नहुने विषयको जानकारी दिने उद्देश्यले गीत निर्माण गरिएको बताए ।

 

सूचना बिभाग दर्ता नम्बर ५३७ - २०७३ / ०७४ सेलिब्रिटी नेपाल डट कम का लागी, संचालक/प्रकाशक : कल्पना सापकोटा, सम्पादक : आनन्द अधिकारी, सम्बाददाता : रघुनाथ सापकोटा, सम्पर्क : ९८५१०७१८७३