काठमाडौँ। सुमन केसी र रोजिना बस्नेतको आवाजमा रहेको नयाँ गीत ‘ढुकढुकी’ भिडियो सहित सार्वजनिक गरिएको छ । सार्वजनिक रोमान्टिक गीतमा सरोज पोखरेलको संगीत र किशोर पोखरेलको शब्द रचना रहेको छ। नितिन चन्दले निर्देशनमा बनेको भिडियोमा जापानमा व्यवसाय सञ्चालन गर्दै आएका राहुल शाही ठकुरी र सन्जु शाही ठकुरीको पहिलो भिडियो हो।
भिडियो जापानको सुन्दर शहर मियाजाकी क्षेत्रमा छायांकन गरिएको हो। भिडियोमा राहुल र सन्जुको प्रेम र भावनात्मक क्षणहरूलाई स्वभाविक ढंगले अभिव्यक्त गरेका छन् । भिडियोको क्रियटिभ डाइरेक्टर फुर्वा शेर्पा हुन्। नितिन चन्दले छायांकन गरेको भिडियोको सम्पादन बिकाश धमलाले गरेका छन्। भिडियो गायक सुमन केसीको अफिसियल यु ट्युव च्यानल मार्फत सार्वजनिक गरिएको छ।
