काठमाडौँ। गायक विनोद राईको स्वर मा रहेको नयाँ गीत ‘जिन्दगी हो खेल जस्तै’ को भिडियो सार्वजनिक गरिएको छ। सार्वजनिक गीतमा गीतकार दीपेन्द्र अधिकारीको शव्द रचना, राजकुमार बगरको संगीत र कमल सौरागको संगीत संयोजन रहेको छ ।
वीरेन्द्र भाट ‘विपिन’ को निर्देशन, दृश्य तथा रङ्ग सम्पादनमा तयार भएको भिडियोमा सङ्गीत क्षेत्रका पुरुष सेलिब्रेटीसँग प्रेमको नाटक गरी शारीरिक सम्बन्ध राखेर ‘हनी ट्रयाप’ (महजाल) मा पारिएको कथा बुनिएको छ ।
भिडियोमा रेग्मीको सिनेमाटोग्राफी र लोकेश भाटको ग्राफिक्स रहेको छ । भिडिओमा सेलिब्रेटीको भूमिकामा गीतका गायक विनोद राई स्वयंले र षड्यन्त्रकारी युवतीको भूमिकामा ऋचा थापाले अभिनय गरेका छन् भने सहायक भूमिकामा राजेन्द्र शर्मा, अर्जुन कुँवर, रश्मी आचार्य, सन्तोष कुँवर, नवराज बडुवाल र सुरज भुसाललाई देख्न सकिन्छ।
