काठमाडौं । गायिका अञ्जु पन्त र गायक प्रविण बेडवालको स्वरमा रहेको गीत ‘बढ्दै छ’को भिडियो सार्वजनिक गरिएको छ । सार्वजनिक गीतमा अर्जुन पोखरेलको शब्द र संगीत तथा कुशल सिंह निलको एरेन्ज र नरेश बीबीसीको मिक्सिङ तथा मास्टरिङ छ ।
टाढा भएको प्रेमीप्रेमिकाको भावना प्रकट गरिएको गीतको भिडियोमा लेन र पवित्रा सकी ‘मिस पबी’ फिचर्ड छन् । भिडियोमा लेन र मिस पबीलाई रोमान्टिक भावमा देखाइएको छ ।
माधव शर्माको कन्सेप्ट र निर्देशन रहेको भिडियोमा सन्तोष राजबाहकको कोरियोग्राफी, नवराज उप्रेतीको छायांकन, विकास दाहालको सम्पादन, विमला तामाङको मेकअप, दीपेन गौतम ‘माइकल’को प्रोडक्सन डिजाइन र लोमस पौडेल प्रोडक्सन मेनेजर छन् । द डिभाइन म्यूजिकबाट सार्वजनिक भिडियोका निर्माता प्रकाश घिसिङ हुन् ।
