कुबेरको निर्देशनमा मेलिना र ताराको ‘कसरी’ (भिडियो)

काठमाडौं। गायिका मेलिना राई र गायक तारा तिवारीको नयाँ यूगल गीत ‘कसरी’ को म्युजिक भिडियो सार्वजनिक गरिएको छ । ओएसआर डिजिटलबाट सार्वजनिक गरिएको गीतमा गायक तिवारीकै संगीत छ भने गोपाल रसाईलीको संगीत संयोजन तथा विश्वास लामाका शब्दहरु छन् ।

कुबेर तामाङको निर्देशनमा बनेको यो रोमान्टिक गीतको म्युजिक भिडियोमा गायक तिवारीसंगै सुनिता गुरुङलाई फिचर गरिएको छ । सुदिप राना मगर यो भिडियोका कोरियोग्राफर हुन्, जसलाई दिपकृष्ण डंगोल (दिप्सन) ले छायांकन गरेका छन् । विवेक सुनार यो भिडियोका सम्पादक हुन् ।