काठमाडौँ। गायिका जुनु गौतम र गायक ध्रुब बिस्कोको स्वरमा रहेको नयाँ रोमान्टिक गीत ‘तल तल’ को भिडियो सार्वजनिक गरिएको छ । सार्वजनिक गीतमा शब्द तथा संगीत दुबै ध्रुवको रहेको छ ।
सार्वजनिक गीतको भिडियोमा अभिनेता तथा मोडल विनोद न्यौपाने र मोडल अनिषा न्यौपाने फिचर्ड छन् । न्यौपानेद्वयलाई निर्देशक प्रसन्न पौडेलले रोमान्टिक अबतारमा प्रस्तुत गरेका छन् । गीतका शब्दलाई न्याय गर्दै गायक गायिकाले उत्तिकै मिठासपूर्ण स्वर भरेका छन् ।
भिडियोमा कोरियोग्राफी प्रमोद के भण्डारीको छ भने सम्पादन तारा थापा ‘किम्भे’को रहँदा छायांकन निशान पौडेलले गरेका छन् । थुप्रै आधुनिक मेलोडियस गीतमा स्वर दिइसकेकी गायिका जुनुले एउटा फरक गीतमा आफुलाई प्रस्तुत गरेकी छन्।
