काठमाडौँ। अर्जुन पोखरेलको शब्द तथा संगीत रहेको नयाँ गीत ‘मनको धनी’ सार्वजनिक गरिएको छ । जात धर्म र धनले साँचो प्रेमलाई छेक्दैन, दुइ धर्म बिचमा भएको प्रेम पछी जन्मिएको बच्चाको सुन्दर कहाँनी समेटिएको गीतमा दुर्गा खरेल, सैराज खाती र अनुजा कडरियाको स्वर रहेको छ । गीतमाथि बनेको भिडियोमा जात र धर्मभन्दा मानवता ठूलो भन्ने विषयलाई प्रस्तुत गरिएको छ ।
सार्वजनिक भिडियोमा उमर खान, मेलिना पन्त, अभिलाषा सापकोटा र राजेन्द्र आचार्यको अभिनय रहेको छ । भिडियोको छायांकन नवराज उप्रेतीले गरेका हुन् भने सम्पादन विकास दाहालको रहेको छ । अर्जुन पोखरेल स्वयंले निर्देशन गरेको भिडियो डिभाइन म्युजिकको युट्युब च्यानलमार्फत सार्वजनिक गरिएको छ ।
