एजेन्सी। बलिउड प्रतिक्षित फिल्म ‘भेडिया’को पहिलो गीत ‘ठुमकेश्वरी’ सार्वजनिक गरिएको छ । शुक्रबार मुम्बईमा गीत सार्वजनिक गरिएको हो । फिल्मका अभिनेता अभिषेक बनर्जीले फिल्मको गीतलाई आफ्नो सामाजिक सञ्जाल अकाउन्टमा फ्यानहरूसँग सेयर गर्दै यो वर्षकै सबैभन्दा ठूलो गीत भनेका छन् । यस गीतमा वरुण धवन फिल्मकी मुख्य अभिनेत्री कृति सेननसँग नाच्दै देखिएका छन् ।
‘भेडिया’लाई भारतको पहिलो क्रिकेट कमेडी फिल्म भनिन्छ । हालै फिल्मको ट्रेलर रिलिज भएको थियो जसमा वरुण ब्वाँसोको भूमिकामा देखिएका थिए । ट्रेलरलाई दर्शकले राम्रो प्रतिक्रिया दिएका छन् । अमर कौशिकको निर्देशनमा बनेको यस फिल्ममा अभिषेक बनर्जी, दीपक डोबरियालका अलावा वरुण धवन र कृति सेननको पनि अभिनय रहेको छ । फिल्म नोभेम्बर २५ मा हलमा रिलिज हुँदैछ ।
