काठमाडौं । अभिनेता आकाश श्रेष्ठ र मोडल गीता ढुंगानाको अभिनय रहेको ‘म डुब्दै गएँ’ गीतको भिडियो सार्वजनिक गरिएको छ । यस गीतमा रानी शाक्य र गायक बलबहादुर राजवंशीको स्वर छ ।
हरि उप्रेतीको शब्द रहेको गीतमा विकास चौधरीको संगीत र एरेञ्ज छ । गीतमा गोविन्द सोनीको मिक्सिङ तथा मास्टरिङ छ । प्रहिल कार्कीको निर्देशन रहेको भिडियोमा आकाश र गीतासँगै बालकृष्ण निरौला फिचर्ड छन् । सुनिल श्रेष्ठ प्रोडक्सन म्यानेजर रहेको भिडियोमा उत्तम हुमागाईंको छायांकन, माधव बेलबासीको सम्पादन र कलर छ । भिडियो गायिका रानीकै ‘रानी शाक्य’ युट्युब च्यानलबाट सार्वजनिक गरिएको हो ।
एक प्रेमिल जोडीको मनोभावलाई गीतमा प्रस्तुत गरिएको छ ।
