काठमाडौं । युवा गायक प्रशान्त श्रेष्ठले नयाँ गीत सार्वजनिक गरेका छन् । उनको शब्द, संगीत र स्वरमा सजिएको ‘छोडी हिंडे म’ बोलको गीत म्युजिक भिडियोसहित सार्वजनिक भएको हो ।
कयौँ नेपालीहरुको सपना सपनै रहन्छ भन्ने सन्देश रहेको भिडियोलाई जिवेश गुरुङले निर्देशन गरेका छन् । भिडियोमा उनलाई रश्मिला तामाङ, लक्ष्मी नाथ मौद्गल्य, चन्द्रिका राजले साथ दिएका छन् । उत्तम हुमागाईँको छायाँकन रहेको भिडियो अनिल कुमार महर्जनले सम्पादन गरेका हुन् ।
भिडियोलाई गायक प्रशान्तले आफ्नै ‘प्रशान्त श्रेष्ठ’ अफिसियल युट्युब च्यानल मार्फत सार्वजनिक गरेका हुन् ।
