सेलिब्रेटी नेपाल
एजेन्सी: अभिनेत्री विद्या बालन बलिउडमा फेरी एक पटक धमका मच्चाउने तयारीमा लागेकी छिन् । विद्याले अभिनय गरेको फिल्म ‘मिसन मंगल’ बक्स अफिसमा ब्लकबस्टर भैसकेको छ । उनै, बिद्या अब एक महिलाको बायोपिक फिल्ममा काम गर्ने तयारीमा छिन् । उनले काम गर्न मन लागेको नयाँ फिल्मको नाम ‘शकुन्तला देवी’ हो ।
सोनी पिक्चर्स नेटवर्क प्रोडक्शनको ब्यानरमा निर्माण हुन लागेको यो फिल्मले शकुन्तला देवीको कथा भन्नेछ । शकुन्तला देवीलाई ‘दि ह्यूमन कप्यूटर’को उपनामले पनि चिनिन्छ । अनु मेननको निर्देशनमा यो चलचित्र बन्न लागेको हो । चलचित्रको फस्टलुकमा विद्याले रातो सारी लगाएकी छिन् । यो चलचित्रको छायांकन लण्डनमा सुरु भएको छ ।
