सेलिब्रेटी नेपाल काठमाडौँ
चलचित्र ‘घामपानी’ सेन्सर बोर्डबाट पास भएको छ । ‘घामपानी’ लाई सेन्सर बोर्डले ‘यु’ (युनिभर्सल सर्टिफिकेट) दिएको छ । ‘यु’ सर्टिफिकेट सबै उमेर समूहका दर्शकले हेर्ने अनुमति सहितको सर्टिफिकेट हो ।
‘घामपानी’ का निर्देशक दीपेन्द्र लामाले सेन्सरबोर्डबाट कुनै पनि दृश्य नकाटिएको जानकारी दिए । कुनै पनि दृश्यमा सेन्सर नहुनु र बोर्डको सकारात्मक प्रतिक्रियाले आफूलाई थप उत्साहित बनाएको लामाले बताए ।
पत्रकार तथा चलचित्र समीक्षक लामाको डेब्यू निर्देशन ‘घामपानी’ मा दयाहाङ राई र केकी अधिकारी लिड रोलमा छन् ।
समाजमा रहेको अन्तरजातिय विवाहलाई उठान गरेको चलचित्र वैशाख १ गतेबाट अल नेपाल प्रदर्शनमा आउँदैछ ।
