सेलिब्रेटी नेपाल काठमाडौँ
चलचित्र ’लालटिन’मा समावेश ’चमेली’ वोलको गीतको भिडियो सार्वजनिक भएको छ । युट्युवमा सार्वजनिक पार्टी गीतमा अभिनेत्री प्रियंका कार्की फिचरिङमा छिन् । भिडियोमा प्रियंकाको हट अबतारलाई हेर्न सकिन्छ ।
चलचित्रको भिडियोले अहिले बजारमा राम्रै चर्चा पाईरहेको छ । किरण माइकलको शब्द तथा संगीतमा आस्था राउतको स्वर गीतमा समावेश छ । कविराज गहतराजले क्लब स्टेपलाई गीतमा उतारेका छन् ।
देवकुमार श्रेष्ठ निर्देशित चलचित्र यही चैत १८ गते देखि रिलिज हुँदैछ । प्रियंका सहित दयाहाङ राई, केकी अधिकारी, भानुप्रताप अर्जुनजंग शाही, ए गुरुङ, निर्जन थापा, राज कट्वाल लगायतको अभिनय छ ।
अनिम श्रेष्ठ र राज केसीको निर्माण, मनोजराज भण्डारी र दीपक श्रेष्ठका सहनिर्माण रहेको फिल्मलाई एक्सन र थ्रीलर जानरामा राखिएको छ । फिल्मका प्रस्तुतपर्ता भानुप्रताप हुन् ।
