सेलिब्रेटी नेपाल काठमाडौँ
एक्सन स्टार नायक निखिल उप्रेतीको एक्सनले भरिपूर्ण चलचित्र ‘राधे’ को टिजर सार्वजनिक गरिएको छ । चलचित्रलाई जगदिश्वर थापाले निर्देशन गरेका हुन् ।
सार्वजनिक टिजरमा नायक निखिल उप्रेती कमाण्डोको भूमिकामा देखिएका छन् । उनको साथमा चलचित्र नायिकाद्धय प्रियंका कार्की र अशिष्मा नकर्मीलाई पनि टिजरमा देख्न सकिन्छ ।
सुशिल पोख्रेलको निर्माणमा तयार भएको यो चलचित्रलाई पूर्ण व्यवसायिक बनाइएको छ । निखिलको नयाँ शैलीको एक्सन र भूमिका दर्शकले चलचित्रमा हेर्न पाउने उनको भनाई छ । यो चलचित्र वैशाख १ गतेबाट रिलिज हुँदैछ ।
