सेलिब्रेटी नेपाल काठमाडौँ
चलचित्र ‘मधुमालती’ बन्ने भएको छ । आज काठमाडौमा पत्रकार सम्मेलनको आयोजना गर्दै चलचित्र निर्माण गर्न लागेको चलचित्रका निर्माता शंकर कार्कीले बताएका छन् ।
चलचित्रलाई शिशिर चालिसेले लेखन तथा निर्देशन गर्दैछन् । यो नै चालिसेले निर्देशन गर्न लागेको पहिलो चलचित्र हो । यसअघि चलचित्र निर्देशक शिव रेग्मीको धेरै चलचित्रमा कोडिरेक्टरको काम गरिसकेका चालिसेले आफुले चलचित्र राम्रो बनाउने दावी गरे ।
रोमान्टिक लभस्टोरीमा बन्ने चलचित्रमा अनुरुप पोखरेल, कुशुम नेपाल, सविना थापा, केशव भट्टराई, रुपा राना लगायतका कलाकारको अभिनय रहनेछ । नवराज उप्रेतीको छायांकन रहने चलचित्रमा दावा दोर्जे लामा र मिलन सुर्खेतीको संगीत, प्रितम पाण्डेको सम्पादन रहनेछ ।
चलचित्रमा मेलिना राई, किरण गजमेर, मिलन सुर्खेती र दावादोर्जै लामालगायतले स्वरबद्ध गर्ने भएका छन् । चलचित्रलाई काठमाडौँ, ईलाम, हेलम्बु लगायतका रमणिय स्थानमा खिचिनेछ ।
तारा शंकर फिल्मस् प्रालिको ब्यानरमा बन्न लागेको चलचित्रमा श्याम खड्का सह निर्माताको रहेका छन् ।
