नसुनाई देउ मलाई उनका चर्चा भिडियो छायांकन (फोटो फिचर)

गायक स्वरूपराज आचार्यको आवाजमा रहेको नसुनाई देउ मलाई उनका चर्चा बोलको गीतको भिडियो छायांकन सम्पन्न भएको छ । काभ्रे जिल्लाको रमणीय स्थान पनौती र धुलिखेलको होराइजन रिसोर्टमा छायांकन भएको भिडियो लाइ बिरेन्द्र भट्टले क्यामेरामा कैद गरेका हुन् भने चलचित्र धुन का निर्देशक कृष्ण पौडेलले निर्देशन गरेका छन् ।

धुर्बकृष्ण ताम्राकारको शब्द तथा बिक्रम सुवालको संगीत रहेको गीतको भिडियो सेलिब्रेटी नेपालले निर्माण गरेको हो। एक मायामा पिडित केटाको कथालाइ भिडियोमा देखाउन खोजिएको छ ।

भिडियोमा नायक युरिश कार्की,मिलन दाहाल,आरजु खरेल र बलराम भुर्तेलको अभिनय रहेको छ । भिडियो सिन्सियर मिडियामा सम्पादनमा रहेको छ । भिडियो यसै साता रिलिज गरिने सेलिब्रेटी नेपालका रघुनाथ सापकोटाले बताए । धेरै बजेट खर्च गरेर मात्रै भिडियो राम्रो हुने होइन लोकेसन कलाकार र कन्सेप्ट राम्रो भएमा थोरै बजेटमा पनि राम्रो भिडियो बन्छ भन्ने उदाहरण यो भिडियोले दिने निर्देशक कृष्ण बताउछन् ।