काठमाडौं । चलचित्र ‘३६ को आँकडा’को गीत सार्वजनिक गरिएको छ । निर्माणपक्षले चलचित्रको ‘बहुलाउँछु कि क्या हो’ बोलको गीत सार्वजनिक गरेको हो ।गीतमा सत्यराज आचार्य र अञ्जु पन्तको स्वर छ । शब्द तथा संगीत सुरेश अधिकारीको छ । मायामा डुबेका प्रेम जोडीहरूको कथा छ । मायाको गहिराइमा डुबेका प्रेम जोडीहरूले प्रेममा नै देखेको संसारमा गीत केन्द्रित छ ।
गीतको भिडियोमा चलचित्रका मुख्य चार कलाकार फिचर्ड छन् । रेखा थापा र महेश त्रिपाठी तथा पूजा शर्मा र पुष्प खड्काको जोडीको गीतमा नृत्य देख्न सकिन्छ । सविर श्रेष्ठको निर्देशन रहेको चलचित्र ‘३६ को आँकडा’ मंसिर १७ गते रिलिज हुँदैछ । चलचित्रमा रेखा थापा, पूजा शर्मा, निरुता सिंह, पुष्प खड्का, महेश त्रिपाठीलगायत कलाकारको मुख्य भूमिका छ ।
