नेपाली कलाकारिता क्षेत्रमा लागेको खासै धेरै समय भएको छैन नायक तथा मोडल ओम क्षेत्री लाई । नेपाली चलचित्र “कस्तो टेनसन्” मार्फत नेपाली चलचित्र नगरीमा प्रवेश गरेका ओमले चलचित्र “कशिंगर” र “तरंग” मा पनि अभिनय गरिसकेका छन् । स्थायी घर ओखलढुङ्गा भई हाल राजधानीमा ब्यबसाय गर्दै आएका छन् । हाल सालै राजधानीमा छायांकन गरिएको भिडियो “यति धेरै माया दिएको “गीतको भिडियोमा मोडल तथा नायक ओम क्षेत्रीले मोडल लक्ष्मी सिवाकोटी संग पानिमा हट सिन दिएका छन् ।
युवराज वाईबाले निर्देशन गरेको भिडियोमा ओमले बोल्ड अभिनय गर्न निकै अफ्ठेरो हुने बताउंदै भने ” मैले चलचित्रको पर्दामा लभर ब्याए , एक्सन स्टन्ट सबै गरे तर भिडियोमा यो किसिमको रोल भने फरक र नौलो हो मेरो लागि । कलाकार भएपछी सबै किसिमको अभिनय देखाउन पर्ने भएकोले यस भिडियोमा म केहि पृथक भूमिकामा दखिएको छु ।
ओम संगै अभिनय गरेकी फिमेल मोडल लक्ष्मी सिवाकोटी हुन् नेपाली चलचित्र “देवता” लगयात अन्य दुई चलचित्रमा अभिनय गरिसकेकी मोडल लक्ष्मी सिवाकोटीले करिब आधा दर्जन भन्दा बढी भिडियोमा अभिनय गरिसकेकी छिन । सन्तोष लामाको आवाज रहेको गीतमा शब्द सुरेश घिमिरे र संगीत ठकुरी प्रताप अब्दुलको रहेको छ । भिडियो लाइ प्रबिण घिमिरेले खिचेका हुन् ।
