चकलेट बाँड्दै चकलेटको गीत सार्बजनिक

(सेलिब्रेटि नेपाल) काठमाडौँ
पूजना स्त्रीले आफ्नै लगानीमा निर्माण गरेको चलचित्र चकलेटको ट्रेलर र ३ वटा गीत सार्वजनिक गरिएको छ । काठमाण्डौको कुमारी हलमा आयोजना गरिएको कार्यक्रममा चलचित्रको ट्रेलर र गीत सार्वजनिक गरिएको हो । कार्यक्रममा हाँस्यकलाकार दिपकराज गिरी, दीपाश्री निरौला सहकर्मी निर्मल शर्मालाई शुभकामना दिन पुगेका थिए ।

नायिका तथा प्रस्तुतकर्ता पूजना स्त्रीले आफूलाई १४ बर्षको उमेरमा छवि ओझाले यो क्षेत्रमा भित्राएको भन्दै अहिले निर्मल शर्माले नयाँ तबरले प्रस्तुत गरेको बताइन् । चलचित्रले सडक बालबालिकाको कथालाई प्रस्तुत गरेको छ । चलचित्रमा पुजनासँगै डा.आयुस्मान घिमिरे, नम्रता झा, अनुज शाक्य, सुमन गैरे, केशव भट्टराई, कमल मैनाली, सुनिता ठाकुर, निरुपा गर्तौला, दीपकराज पाठक, केशवराज पौडेल र कुमार श्रेष्ठसँगै ९ बच्चाहरुले पनि अभिनय गरेका छन् । पुजनाकै कथा, पटकथा र संवाद रहेको चलचित्रमा प्रसन्न पौडेल र बब्बु थापाको नृत्य; शिखर सन्तोष, अर्जुन पोखरेल र रायन कार्कीको संगीत; कुमार महर्जनको द्वन्द्व र सुदीप बरालको छायांकन रहेको छ । चलचित्रको प्रदर्शन मिति तोकिएको छैन ।