बलिउड नायिका श्रीदेवी लाई नचिन्ने कमै होलान् । भर्खरै ५०औं जन्म दिन मनाएकी सदाबहार नायिका श्रीदेवी बलिउडमा सर्वाधिक सफल नायिकामा पर्दछिन्।गत वर्षको सफल चलचित्र इंगलिस भिंगलिसको अभिनयबाट निकै प्रशंसित बनेकी श्रीदेवीको चर्चा सधै हुने गरेको छ । ५० औं जन्मदिन मनाएकी चर्चा यसपटक दोब्बर भएको छ, १६ वर्षकी छोरी जान्ह्वी कपुरका कारण । सार्वजनिक रुपमा आमासँगै देखिन थालेकी जान्ह्वी कपुरको सौन्दर्यताको चर्चाले बलिउड तातेको छ ।
अहिलेसम्म सञ्चार माध्यममा सार्वजनिक नभएकी जान्ह्वीले आमाको जन्मदिनको अवसरमा खिचिएका फोटोहरु उनको फेसबुक पेजमा पनि राखेकी छन् ।सार्वजनिक भएसँगै उनको बलिउड प्रवेशका विषयमा चर्चा व्यापक चलेको छ । विभिन्न निर्माता निर्देशकहरु उनलाई डेब्यु गराउन लालायित रहेपनि परिवारले कुनै निर्णय भने लिइसकेको छैन ।
