काठमाडौं। झरना थापाको निर्देशनमा निर्माण भएको सिनेमा ‘भगवत् गीता’को टिजर सार्वजनिक गरिएको छ । आगामी भाद्र २९ गतेबाट प्रदर्शनको तयारीमा रहेको चलचित्रको एक मिनेट ३२ सेकेन्ड लामो टिजर धिरज मगर सुहाना थापा र बीपीक कार्कीलाई प्रमुख स्थान दिईएको छ । बिपिन कार्की फरक रुपमा देखिएका छन्।
विपिन कार्की, धिरज मगर, सुहाना थापा,कबिर खड्का,सन्जोग रसाइली,अनुराग कुँवर,जेभिस र जेभिन श्रेष्ठको मुख्य भूमिका रहेको चलचित्रको छायांकन जनकपुरधाम, काठमाडौं र मनाङमा गरिएको छ । प्रेमकथामा आधारित चलचित्रमा धिरज र सुहानाको जोडी बाँधिएको छ ।
सुहाना इन्टरटेनमेन्टको प्रस्तुति र सुनिल कुमार थापा प्रोडक्सनको व्यानरमा निर्माण भएको चलचित्रमा सुनिल कुमार थापाको लगानी रहेको छ । संजय लामाले खिचेको चलचित्रमा प्रवेश मल्लिकको ब्याकग्राउन्ड स्कोर, रामजी लामिछानेको कोरियोग्राफी, काव्या थापाको शृंगार र मित्र डि गुरुङको सम्पादन रहेको छ ।
