काठमाडौँ। निर्देशक रामबाबु गुरुङको निर्देशनमा तयार भएको चलचित्र ‘कबड्डी ४’ लाई उनले अन्तिम च्याप्टर बताएका थिए । निर्माणपक्षले चाडै नै ‘कबड्डी ५’को घोषणा गर्दैछ । यो चलचित्रमा पनि ‘कबड्डी’ सिरिजका मुख्य कलाकारहरु दयाहाङ राई, वुद्दि तामाङ र बिजय बराल नै मुख्य कलाकार हुनेछन् ।
तर, यसपटक भने नयाँ कथाको सुरुवात गर्ने तयारी रामबाबुको छ । चौथो सिरिजमा दयाहाङको बिहे गराएपछि च्याप्टर सकिएको थियो । अब, पाँचौ श्रृङ्खलाका लागि भने नयाँ कथा भन्ने तयारी रामबाबुको छ । उनीहरुले ‘कबड्डी ५’लाई ‘उही कलाकार तर नयाँ च्याप्टरको सुरुवात’को रुपमा ब्याख्या गर्ने तयारी समेत गरेका छन् ।
