काठमाडौँ। निर्देशक रामबाबु गुरुङ निर्देशित चलचित्र ‘फूलबारी’को टिजर सार्वजनिक गरिएको छ । २ मिनेट २ सेकेण्ड लामो टिजरले पारिवारिक कथाको झल्को दिन्छ । टिजरमा सबै जसो मुख्य कलाकारहरु अटाएका छन् । विपिन कार्की र अरुणा कार्की दम्पतिको भूमिकामा देखिएका छन् ।
चलचित्रमा विपिन र अरुणासंगै दयाहाङ राई, प्रियंका कार्की, गौमाया गुरुङ, शिल्पा मास्के, अनुपम शर्मा, सोमनाथ खनाल, मनिष ढकाल, लोकेन्द्र लेखकलगायतका कलाकारहरुको अभिनय रहेको छ । अभिभावक र सन्तानबीचको सम्बन्धको कथा भन्ने चलचित्रमा उपेन्द्र सुब्बाको पटकथा र कमल किशोर मलपानीको कथा छ ।
जोश हेरुमको छायांकन रहेको चलचित्रमा कालीप्रसाद बाँस्कोटा/अनुपम शर्माको संगीत र निमेष श्रेष्ठको सम्पादन छ । फागुन ५ देखि सार्वजनिक प्रदर्शनमा आउने तयारीमा रहेको चलचित्रमा मणिराम पोखरेल कार्यकारी निर्माता र मनिष ढकाल निर्माता रहेका छन् ।
