काठमाडौं । चलचित्र ‘ए मेरो हजुर ४’ले तीन दिनमा २ करोड ४३ लाखको व्यापार गरेको छ । अनमोल केसी र सुहाना थापाको मुख्य भूमिका रहेको चलचित्र नयाँ वर्षको अवसर पारेर बैशाख १ गतेदेखि देशव्यापी प्रदर्शनमा आएको थियो ।
प्रदर्शनको पहिलो दिन ८८ लाखको व्यापार गरेको चलचित्रले तिन दिनमा २ करोड ४३ लाखको व्यापार गरेको वितरक गोविन्द शाहीले जानकारी दिए । बहुप्रतिक्षित दक्षिण भारतीय चलचित्र ‘केजीएफ ः च्याप्टर २’सँग एउटै मितिमा प्रदर्शनमा आएपनि ‘ए मेरो हजुर ४’ले उत्साहजनक व्यापार गरिरहेको वितरक शाहीले बताए ।
चौथो दिनसम्म चलचित्रको व्यापार तीन करोड पार हुने अनुमान निर्माणपक्षको छ । झरना थापा निर्देशित चलचित्रमा अनमोल र सुहानाका साथमा सलोन बस्नेतको समेत मुख्य भूमिका छ ।
