काठमाडौं । लोकप्रिय गायिका मेलिना राईले विवाह गर्ने तयारी गरेकी छन् । चर्चित एरेञ्जर तथा गिटारिस्ट सञ्जीव बराइलीसँग मेलिनाले विवाहको तयारी गरेकी हुन् । बराईलीसँगको इन्गेजमेन्टको तस्वीर सार्वजनिक गर्दै उनले विवाह गर्ने तयारी गरेको फेसबुकमार्फत संकेत दिएकी हुन् ।
मेलिना र सञ्जीवले इन्गेजमेन्ट भने दुई वर्षअघि नै गरिसकेको खुलेको छ । यद्यपी मेलिना र सञ्जीवले इन्गेजमेन्ट गरेको तस्वीर शुक्रबारमात्रै फेसबुकमा शेयर गरेका छन् । आफूहरु चाँडै विवाह गर्ने तयारीमा रहेको उनीहरुले खुलाएका छन् ।
मेलिनाका दर्जनौं गीतहरु निकै लोकप्रिय छन् भने सञ्जीव चर्चित गिटारिस्ट तथा एरेन्जर हुन् ।
