(सेलिब्रेटी नेपाल) ७ जेस्ठ-चलचित्र पत्रकार संघले आफ्नो १५ औ बार्षिकोत्सब तथा पत्रकारिता सम्मान तथा पुरस्कार प्रदान कार्यक्रम भब्य रुपमा सम्पन्न गरेको छ । आज गौशलास्थित इन्दे्रणी होटलमा प्रमुख अतिथि बरिस्ठ चलचित्रकर्मी यादब खरेल तथा बिशिस्ट अतिथि पत्रकार महासंघका अध्यक्ष शिब गाउँले रहनु भएको थियो। महानायक राजेश हमाल, नायिका करिश्मा मानन्धर र झरना थापा तथा चलचित्र सम्वद्ध संघ संस्थाका प्रतिनिधि तथा अन्य व्यक्तित्वहरुको उपस्थिति रहेको थियो।
विदुर गिरी अध्यक्ष तथा लक्ष्मण सुवेदी महासचिव रहेको चलचित्र पत्रकार संघ द्वारा तीन जना रंग पत्रकारहरुलाई सम्मान तथा पुरस्कार वितरण गरेको छ । संघले लामो समयदेखी स्वतन्त्र रुपमा चलचित्र पत्रकारीता गर्दै आउनु भएका विजय रत्न तुलाधरलाई सम्मान गरेको छ भने हाल एन.टी.भी प्लसमा ‘चित्रलहर’ नामक सिने कार्यक्रम सञ्चालन गर्ने सन्दीप सापकोटा र नागरिक दैनिकका सन्तोष रिमाललाई चलचित्र पत्रकारीता पुरस्कार २०६९ वितरण गरेको छ।
२०७० को चलचित्र पुरस्कार तथा सम्मान रंग पत्रकारीता गर्दै आएका अनन्त वाग्ले, अशोक प्यासी राई र जयन सुब्बा मानन्धरलाई प्रदान गरिने चलचित्र पत्रकार संघको कार्य समितिले आजै घोसणा गरेको छ।
