काठमाडौँ। अभिनेता पुष्प खड्का र साम्राज्ञी राज्यलक्ष्मी शाहको मुख्य भुमिका रहेको चलचित्र ‘तिम्रो मेरो साथ’ को छायांकन सुरु भएको छ । चलचित्रको सोमबारबाट छायांकन सुरु भएको निर्माण टिमले जानकारी दिएको छ ।
लभस्टोरी चलचित्रलाई रमेश एमके पौडेलले निर्देशन गर्दैछन् । ‘तिम्रो मेरो साथ’बाट निर्देशनमा डेव्यु गर्न लागेका पौडेल स्वंयमको कथा, गीत र निर्माण रहनेछ । चलचित्रमा पुष्प खड्का, साम्राज्ञी आर एल शाह, सरोज खनाल ,सन्दिप क्षेत्री, खड्क बहादुर पुन(खबपु), इमिली लामा र बिशेष भूमिकामा ध्रुब दत्तले अभिनय गर्दैछन् ।
आर्यन फिल्मस तथा बोधी एच डी अमेरिकाको ब्यानरमा बन्न लागेको चलचित्रका निर्मातामा पासांग लामा र सह-निर्मातामा निरू भण्डारी, सुमन पौडेल र सुधिर पराजुली रहेका छन ।
चलचित्रमा सबिर श्रेष्ठको पटकथा र सम्वाद रहेको छ । ‘तिम्रो मेरो साथ’को नेपाल र केही दृश्यहरू अमेरिकाका बिभिन्न सहरहरूमा छायांकन गरिने छ ।
