काठमाडौं । चलचित्र निर्देशनमा डेव्यु १५ बर्षका राजेन्द्र साने निर्देशित चलचित्र ‘स्वागतम् माई दिलपुर’ को ‘बोल्दीन जेपिटी…’ बोलको गीत सार्वजनिक गरिएको छ । साईराम पिक्चर्सको युट्युव च्यानल मार्फत सार्वजनिक गरिएको भिडियोमा जयकिशन वस्नेत, एलिना रायमाझी, दिपा सिंह ठकुरी लगायतका कलाकार फिचर्ड छन् । कमल घले र लक्ष्मी स्याङ्तानको स्वर, दिनेश सुवेदीको शब्द रहेको गीतको संगीत सन्तोष प्रगाढले गरेका हुन् ।
राजन महर्जनको कोरियोग्राफि देव महर्जनको द्वन्द निर्देशन, तारा थापाको सम्पादन रहेको चलचित्र सिनेमा घर खुले लगतै प्रदर्शनमा आउने तयारीमा छ। चलचित्र ‘स्वागतम् माई दिलपुर’ का कथा, परिकल्पना राजबहादुर सानेको रहेको छ भने प्रस्तुतकर्ता सौर्याल थापा र निर्मातामा रमेश वनगोसाई, कुमार केसी रहेका छन् ।
