सेलिब्रेटी नेपाल
काठमाडौँ: दोश्रो नेपाल आइडल तथा गायक रवि ओड आफ्नो सांगीतिक जीवनकै पहिलो औपचारिक गीतको म्युजिक भिडियोमार्फत दर्शक तथा श्रोतामाझ आएका छन् । शुक्रवार यूट्युबमार्फत ‘मिठो बोलीले…’ गीतको म्युजिक भिडियो सार्बजनिक गरिएको हो ।नृत्यपरक उक्त गीतमा हरि लम्सालको संगीत कृष्ण केसीको शब्द रचना रहेको छ ।
शिव बिकको कोरियोग्राफी तथा निर्देशनमा उक्त गीतको म्युजिक भिडियो तयार भएको हो । भिडियोमा अभिनेत्री एलिशा राई तथा गायक रवि ओड नै फिचर्ड छन् । सुप्रिम पराजुलीले उक्त भिडियोलाई सम्पादन गरेका हुन् । रामेश्वर कार्की भिडियोका छायांकार हुन् । भक्तपुर दरवार स्क्यावरको आकर्षक लोकेशनमा छायांकन गरिएको भिडियोमा करिव ६० जना कोरस कलाकारहरुले सामुहिक नृत्य गरेका छन् ।
