सेलिब्रेटी नेपाल
काठमाडौँ: केही समयअघि मात्र गम्भीर एलर्जीका कारण अस्पतालको आइसीयुमा भर्ना भएर उपचार गराइ फर्केका भारतीय चर्चित गायत सोनु निगम पुनः बिरामी परेका छन् । यसपटक भने उनी नेपाल आएका बेला बिरामी भएका हुन् । उनलाई काठमाडौंको नर्भिक अस्पतालमा भर्ना गरिएको छ । उनी पोखरामा रहेका बेला स्वास्थ्यमा समस्या देखिएको थियो । त्यसपछि उनलाई तत्काल काठमाडौं ल्याएर अस्पताल भर्ना गरिएको हो ।
उनी आइतबार नेपाल आएका हुन् । आफ्नो एक म्युजिक भिडियो छायांकनको लागि पोखरा पुगेका निगमको स्वास्थ्यमा समस्या देखिएपछि काठमाडौं ल्याइएको हो । उनी आफ्नो पत्नी र छोरासहित नेपाल आएका हुन् । उनले नेपाल आएको जानकारी इन्स्टाग्राम मार्फत दिएका थिए । दुई साता अघिमात्र उनी छालाको एलर्जीका कारण गम्भीर बिरामी भएपछि मुम्बइको एक अस्पतालमा आइसीयुमा भर्ना हुनु परेको थियो ।
