सेलिब्रेटी नेपाल
काठमाडौँ : नेपाली र अंग्रेजी भाषामा निर्माण गरिएको नेपाली चलचित्र ‘दि म्यान फ्रम काठमाडौं’ को रोमान्टिक पोस्टर, गीत र नयाँ ट्रेलर सार्वजनिक गरिएको छ । राजधानी काठमाडौंमा बिहिबार एक कार्यक्रमको आयोजना गरि गीत, ट्रेलर र पोस्टर सार्वजनिक गरिएको हो ।
‘दि म्यान फ्रम काठमाडौं’को नयाँ एक्सन ट्रेलर पनि सार्वजनिक गरिएको थियो । चलचित्रको यसअघि सार्वजनिक ट्रेलरले दर्शक तथा चलचित्रकर्मीबाट राम्रो प्रतिक्रिया पाएको थियो । नयाँ ट्रेलर र सार्बजनिक गीतले पनि सकारात्मक प्रतिक्रिया पाउनेमा निर्माण टिम बिस्वस्त रहेको छ ।
सार्वजनिक गीतमा स्वर निकिता श्रेष्ठको छ भने शब्द संगीत जेसन कुवंरको रहेको छ । चलचित्रलाई कार्लोस मेडिनाले खिचेका हुन् । नेपालसँगै हलिउड, बलिउड र पाकिस्तानी कलाकारको समिश्रण रहेको चलचित्रलाई पेमा धोन्डुपले निर्देशन गरेका छन् ।
निर्देशक पेमासँगै नकिम उद्धिनको निर्माण बनेको चलचित्रमा भारतिय कलाकार गुल्सन ग्रोबर,हलिउड कलाकार जोसे मानुइल, पाकिस्तानी कलाकार हमिद शेखसँगै नेपाली कलाकार नीर शाह, कर्मा शाक्य,आना शर्मा, मिथिला शर्मा, शिशिर बाङ्देल, सुनिता ठाकुर, परमिता आर एल रानाको अभिनयमा छन् ।
