सेलिब्रेटी नेपाल
काठमाडौँ : कुनै कारण बिना नै तपाइँकी प्रेमिका रिसाउँदा र त्यो कारण पनि नबताउँदा कस्तो हुन्छ होला ? कोहीलाई नशामा डुब्न मन पर्ला, कसैलाई अब कसैलाई माया नै गर्दिन भन्ने लाग्ला त कसैलाई उसको अगाडि अर्की प्रमिका खडा गराईदिउँ जस्तो पनि होला । नेपालको आधुनिक संगीतमा यही भावको नयाँ गीत ‘के भयो र तिमीलाई’ सार्वजनिक गरिएको छ । डि प्रोडक्सनले तयार पारेको गीत र म्युजिक भिडियो पूर्व संचारकर्मी देवेन्द्र क्षेत्रीले सार्बजनिक गरेका हुन् । गीतमा स्वर राज सिग्देलले भरेका छन भने संगीत अर्जुन पोखरेलको रहेको छ ।
क्षेत्रीकै शब्द रचना रहेको गीतको म्यूजिक भिडियोमा मेलिसा खतिवडा, पुरुषोत्तम भट्टराई, सुदीप पौडेल र रुबीना तामाङको अभिनय रहेको छ । सरोज अधिकारीको छायांकन र निर्देशन रहेको भिडियोको सम्पादन भिम विश्वकर्माले गरेका छन् ।
