सेलिब्रेटी नेपाल काठमाडौँ
‘ब्ल्याक ईयर’ अर्थात कालो वर्ष नामक चलचित्र निर्माण हुने भएको छ । बिहिबार काठमाडौंमा एक कार्यक्रमको आयोजना गरि चलचित्रको शुभ मुहर्त गरियो । महिला निर्देशक लक्षु गौतमले निर्देशन गर्ने चलचित्र लाइ योगेन्द्र पनेरुले निर्माण गर्ने छन् चलचित्रको छायांकन भाद्र १० गतेबाट सुरु गरिने छ । २०७२ साल बैशाख १२ को भुकम्पले एउटा परिवारलाई पुर्याएको क्षतिको कथामा यो सिनेमा निर्माण हुने निर्देशक गौतमले बताइन् । यो चलचित्रको सम्पुर्ण छायांकन काडमाडौं र ललितपुरमा गरिनेछ । यो चलचित्रमा रामेश्वर हुमागाँईको छायांकन रहनेछ ।
फोकस आउट मिडिया प्रा. लि.को ब्यानरमा निर्माण हुने चलचित्रलाइ २०७६ सालको बैशाख १२ मा प्रदर्शन गरिने लक्ष्य रखिएको छ । चलचित्रमा सुरेन्द्र बुढाथोकी,रश्मी शाह, उकेश पनेरु, अनुपा खड्का, देव सागर, पवन भट्टराई लगायतका कलाकारहरुको मुख्य अभिनय रहनेछ ।
