सेलिब्रेटी नेपाल काठमाडौँ
भारतीय फिल्म स्टार सलमान खान लगायतका कलाकारहरुलाई नेपाल ल्याएर कन्सर्ट आयोजना गर्ने भनेर टिकट बिक्री गरी करोडों रकम उठाएका सिमान्त गुरुङ पक्राउ परेका छन् । महानगरीय अपराध अनुसन्धान महाशाखाको टोलीले करोडौं ठगेको अभियोगमा ओडिसी इन्टरटेनमेन्टका प्रमुख सिमान्त गुरुङलाई पक्राउ गरेको हो । गुरुङलाई लाजिम्पाट क्षेत्रबाट पक्राउ गरेको जनाएको छ ।
यसअघि ‘दबङ टुर’ टाइटलमा कार्यक्रम आयोजना हुने भन्दै ओडिसी इन्टरटेनमेन्ट प्रालिको नाममा गुरुङ समूहले करिब ४ करोड रुपैयाँ रकम उठाएको बताइएको थियो । जसमा नायिका सोनाक्षी सिन्हा, प्रभू देवा, मनिष पल लगायतका कलाकारहरु सहभागी हुने भनिएको थियो ।
गत फागुन २६ गतेका लागि तय गरिएको कार्यक्रम विप्लव माओवादीको धम्कीका कारण स्थगित भएको थियो । सलमानलाई नेपाल ल्याउने मिति पटक पटक सार्ने तर रकम फिर्ता नदिने गर्दै आएपछि सिमान्त गुरुङ विरुद्ध प्रहरीमा उजुरी परेको थियो ।
