सेलिब्रेटी नेपाल काठमाडौँ
चलचित्र ‘जय शम्भु’को अफिसियल फर्स्ट लुक सार्वजनिक गरिएको छ । मिडियालाई जानकारी गराउँदै निर्माण पक्षले चलचित्रको पहिलो प्रचार सामाग्री स्वरुप दुई पोष्टर सार्वजनिक गरेको हो । चलचित्र ‘जय शम्भु’मा प्रशान्त ताम्राकार, अनुप विक्रम शाही र बर्षा शिवाकोटीको मूख्य भुमिका रहेको छ । तीनै जना प्रस्तुत गरिएको चलचित्र को दुई पोष्टर सार्वजनिक गरिएको हो । पोष्टरमा प्रशान्त ताम्राकार र अनुप विक्रमको एक्शन देखाईएको छ । जसमा बर्षालाई साक्षि बनाईएको छ । यस्तै अर्को पोष्टरमा अनुप विक्रम शाही र बर्षा शिवाकोटीको लभ रोमान्स देखाईएको छ ।
चलचित्र भित्र अनुप र प्रशान्त कुन भुमिकामा प्रस्तुत छन् भने पोष्टरमा देखाईएको छैन । एक्शन लभस्टोरी चलचित्रको बजेट हाई भएको निर्माण पक्षले बताईएको छ । आगामी भाद्र १ गते बाट देशव्यापी रुपमा प्रदर्शनमा आउन लागेको चलचित्र लाई राजधानीमा बिके फिल्मस्का गोपाल काजी कायस्थ र काठमाडौं बाहिर एफडि कम्पनीले वितरण गर्ने भएका छन् ।
दिनेश शाही प्रस्तुत कर्ता रहेको चलचित्रमा अरविन्द्रमान शाक्य निर्माताको रुपमा रहेका छन् भने चक्र पाख्रिन कार्यकारी निर्माताको रुपमा रहेका छन् । यस्तै सह निर्माताहरु कुशल शर्माा र शिक्षा काफ्ले हुन् । चलचित्रलाई रुपेश तामाङले निर्देशन गरेका हुन् । यस्तै चलचित्रमा हरि घले लामाको छायाँकन, श्री श्रेष्ठको एक्शन, टंक बुढाथोकीको संगीत, बनिश शाहको सम्पादन, रामजी लामिछानेको नृत्य रहेको छ । चलचित्रमा रोशन महर्जन, करुणा पाण्डे, रश्मी भट्ट, बसन्त भट्ट, राज कुमार थापा, कालु राना अािदको मूख्य भुमिका रहेको छ ।
