सेलिब्रेटी नेपाल काठमाडौँ
बिपिन कार्की अभिनित चलचित्र ‘हरी’ जेठ ४ मा प्रदर्शनमा आउने भएको छ । फरक फरक गेट अप र भूमिकामा देखिने बिपिनको ‘हरी’ मा पनि फरक खालको भूमिकामा देख्न सकिन्छ ।
चलचित्र ‘हरी’ मा बिपिन फरक फरक गेटअपमा समेत देखिएका छन् । केहि समय अगाडी सार्बजनिक भएको चलचित्रको ट्रेलर हेर्दा बिपिनले बोल्ने सम्बाद शैलीपनि टिठलाग्दा समेत रहेका छन् । ट्रेलर हेर्दा चलचित्र सस्पेन्स कमेडी जनराको हुनसक्ने अनुमान लगाउन सकिन्छ । प्रदर्शन मिती नजिकिदै गर्दा ‘हरी’ युनिटले प्रचार प्रसार समेत सुरु गरेको छ ।
चलचित्रमा बिपिनसंगै सुनिता श्रेष्ठ ठाकुर, कमलमणि नेपाल, थिन्ले ल्हामो, लक्ष्मी बर्देवा, लोकनाथ आचार्य लगायतको अभिनय रहेको छ । शुभलाभ फिल्म प्रोडक्सनको ब्यानरमा निर्मित ‘हरि’ को लेखन र निर्देशन सफल केसी र प्रतीक गुरुङले गरेका हुन् ।चलचित्रको कार्यकारी निर्माता योगेश्वर पौडेल, थाक्पा तामाङ र माधव थापा रहेका छन् ।
