सेलिब्रेटी नेपाल काठमाडौँ
चलचित्र ‘ड्रिम गर्ल’ को प्रदर्शन मिति हेरफेर भएको छ । निर्देशक ऋषिराज आचार्यले फर्स्ट लुक पोस्टर सार्वजनीक गर्दै ड्रिम गर्ल दशैको उपहार स्वरुप असो १९ गते दर्शकमाझ आउने जानकारी दिएका हुन् । लभ स्टोरी जनराको आकाश श्रेष्ठ, आश्मा गिरी,सरोज खनाल, अर्जुन श्रेष्ठ, विल्सन बिक्रम राई, शिसिर भण्डारी, पूजा पराजुली, निर्मल शर्मा ,लक्ष्मी गिरी,रश्मी भट्ट, सुरवीर पण्डितलगायतले अभिनय गरेका छन् ।
आरबि मुभीजको ब्यानरमा बनेको चलचित्रको निर्मातामा निर्देशक ऋषिराज, अर्जुन शर्मा र रामेश्वर घिताल रहेका छन । काठमाडौ, मुस्ताङ तथा थाइल्याण्डका बिभिन्न स्थानमा खिचीएको चलचित्रको सहनिर्मातामा दक्षिण भारतको रिल एण्ड रियल सिनेमा कम्पनी रहेको छ । राहुल राईले खिचेको चलचित्रमा अर्जुन पोखरेलको संगीत र गम्भीर बिष्टको कोरियोग्राफी रहेको छ । चलचित्रलाइ नवीन निरौलाले सम्पादन गरेका हुन् ।
निर्देशक ऋषिराजले ‘ड्रिम गर्ल’ को बिदेशमा निकै डिमाण्ड भएकाले पहिला देशबाहिर प्रदर्शन गर्न लागीएको जानकारी दिएका छन् । ‘चलचित्रको बिदेशबाट निकै माग आइरहेको छ । त्यसैले हामीले प्रदर्शन मिति केही पर सारेका हौ,’ उनी भन्छन्, ‘चलचित्र पहिला अष्ट्रेलिया, युरोप तथा खाडी मुलुकहरुमा प्रदर्शन गर्दैछौ ।’ उनका अनुसार ‘ड्रिम गर्ल’ को जुन महिनाको दोश्रो साता कतार र तेश्रो साता पोर्चुगर्लमा बिशेष शो हुने पक्का भइरहेको छ । त्यसपछि अमेरिका, जापान,हंगकंग, कोरियालगायतका देशमा पनि प्रदर्शन हुनेछ ।
