सेलिब्रेटी नेपाल काठमाडौँ
जेठ ११ गते बाट प्रदर्शनमा आउने आँचल शर्मा र आकाश खड्का अभिनित चलचित्र ‘ब्ल्याक’को दोस्रो गीत सार्वजनिक गरिएको छ । ‘पलपल हरपल…’ बोलको रोमान्टिक गीतमा आकाश र आँचलको जोडीलाई प्रस्तुत गरिएको छ । राजधानीमा एक कार्यक्रमको आयोजना गर्दै चलचित्रको गीत सार्बजनिक गरिएको हो । महेश खड्काले संगीत भरेको गीतमा सुगम पोखरेलको स्वर, डा. कविराज वान्तवाको शब्द र रामजी लामिछानेको कोरियोग्राफी रहेको छ ।
प्रदीप श्रेष्ठ निर्देशित चलचित्र ‘ब्ल्याक’लाई आश्मा फिल्मस प्रालिको व्यानरमा आश्मा पाण्डेले निर्माण गरेकी हुन् । एक्सन लभस्टोरी जनराको चलचित्र मौनता श्रेष्ठको लेखनमा तयार भएको हो । ‘ब्ल्याक’मा महेश खड्का र प्रतिक पौडेलको संगीत छ, भने द्वन्द्व निर्देश चन्द्र पन्तको रहेको चलचित्र लाइ अर्जुन जिसीले सम्पादन गरेका हुन्।
