सेलिब्रेटी नेपाल काठमाडौँ
सञ्चारकर्मी तथा गीतकार सन्तोष देउजाको म्यूजिक भिडियो ‘सिउँदो’ नयाँ वर्ष २०७५ को पूर्वसन्ध्यामा सार्वजनिक गरिएको छ । ‘धेरै बर्षपछि देख्दा तिम्रो सिउँदो भरेको पाएँ……’ बोलको शनिबार विशेष कार्यक्रम गरी सार्वजनिक गरिएको हो । युवराज केसरीको निर्देशन रहेको भिडियोमा देउजा स्वयम्ले पनि अभिनय गरेका छन् । देउजा संगै भिडियोमा युवराज केसरी र मनिषा पन्तले अभिनय गरेका छन् ।
रोशन कार्कीको स्वर रहेको उक्त भिडियोलाई रोयल इन्टरटेनमेन्टले सार्बजनिक गरेको हो । गीतकार देउजाले आफ्नै वाल्यकालको प्रेमीकालाई धेरैवर्षपछि भेट्दा अरु कसैले सिउँदो हालेको अवस्थामा देखेपछि त्यस बेला कस्तो पीडा हुन्छ भन्ने भावलाई गीतमा प्रस्तुत गर्न खोजेका छन् । म जस्ता धेरै अभागी प्रेमी यस संसारमा अरु पनि हुने भएकाले त्यस्ता व्यक्तिहरुका लागि यो गीत एउटा मनको ढुकढुकी बन्ने विश्वास आफूले लिएको गीतकार देउजाले बताए ।
