सेलिब्रेटी नेपाल काठमाडौँ
खगेन्द्र लामिछाने अभिनित चलचित्र ‘डमरुको डण्डीबियो’ वर्ष २०७५ को बैशाख २१ बाट सार्बजनिक प्रदर्शनमा आउने भएको छ । नेपालमा लोप हुँदै गइरहेको डण्डीबियोको कथालाई बोकेको चलचित्रलाइ नोभेम्वर रेन, क्लासिक र डायरीको स्क्रिप्ट लेखिसकेका स्क्रिप्ट राइटर छेतेन गुरुङले निर्देशन गरेका हुन् ।
चलचित्रमा खगेन्द्रका अलावा मेनुका प्रधान, अनुप बराल, वुद्धि तामाङ, लक्ष्मी बर्देवा, अंकित खड्का, नमिता घिसिङ लगायतका कलाकारको अभिनय रहेको छ । समृद्धि इन्टरटेन्मेन्टको ब्यानरमा विनोद गुरुङ र नोर्बु छिरिङ घलेको लगानीमा निर्माण भएको चलचित्रमा खगेन्द्रकै लेखन छ । प्रितम पाण्डेको सम्पादन रहेको चलचित्रमा कालीप्रसाद बास्कोटाको संगीत र हरी हुमागाइँको छायांकन रहेको छ ।
