(सेलिब्रेटी नेपाल) २० जेठ-कैलो त कि मकैको जुंगा हुन्छ कि पश्चिमा युवतीहरूको कपाल। भर्खरै ब्वाय फ्रेन्ड सँग सम्बन्धविच्छेद गरेकी सुष्मा कार्कीले पनि कपाल कैलो बनाइछन्। गए साल चलचित्र बिन्दास बाट नाम र दाम कमाएकी कार्कीले फेरी त्यही शीर्षकमा ‘टू’ थपिएर बन्न लागेको चलचित्र खेल्ने भइछन्। बिन्दासकै निर्माता मधुकुमार श्रेष्ठले बिन्दासकै निर्देशक राजु गिरीलाई लिएर बनाउन लागेकोचलचित्र बिन्दास टूमा सुष्माले कैलो कपाल हल्लाउँदै हिरो जीवन लुईंटेलसँग रोमान्स गर्नेछिन्। अपेक्षा गरौँ, सिक्वेलमा सुषमाको नयाँ रूपले दर्शक पक्कै नचाउला। हाल बिन्दास टु को धमाधम सुटिंग चलिरहेको छ।
