जन्मदिनमा निर्देशक सुदर्शनले गरे मोडल सुप्रियासँग इन्गेजमेन्ट


काठमाडौँ । निर्देशक सुदर्शन थापाले आफ्नो जन्मदिनको अवसर पारेर मोडल तथा समाचार वाचिका सुप्रिया कटुवालसँग टिकाटालो गरेका छन् । निर्देशक थापाले मोडल तथा एपिवान टेलिभिजनकी समाचार वाचिकाकटुवालसँग सोमवार टिकाटालो गरेका हुन् ।

‘मेरो लभ स्टोरी, मधुमास, प्रेमगीत, म यस्तो गीत गाउँछु, रामकहानी, म यस्तो गीत गाउँछु २’ लगायतका लभ स्टोरी चलचित्र निर्देशन गरेका सुदर्शन र मोडल तथा समाचार बाचिका सुप्रिया केही महिना यता प्रेममा रहँदै आएका थिए ।

कोरोना कहरकै बिचमा प्रेम सम्बन्धमा रहेका यो जोडीले आउँदो बर्ष विबाह गर्ने निर्णय सहित टिकाटालो गरेको पारिवारीक स्रोतको भनाई छ । सुप्रियाले थुप्रै म्युजिक भिडियोका साथै चलचित्र ‘बिर्खेलाई चिन्छस्’ र ‘साँढे सातमा’ अभिनय गरेकी छन् ।